ساڵانه بهبێ راهێنانى نوێ دووباره دهبێتهوه
مەشقه دوو وهرزییهكهى پۆلیسی ژینگەو دارستان تهنیا بۆ بههێزكردنى تواناى جهستهییانه
فهرهاد حهسهن
ساڵانه له دوو وهرزدا پۆلیسی ژینگه و دارستانى ههرێم مهشق و راهێنانیان پێدهكرێت، له پاییز و هاوین ماوهى 15 رۆژ دهخرێنه ئهم مهشقهوه، وتهبێژى پۆلیس ژینگه و دارستانى سلێمانى دهڵێت، بابهتهكانى مهشقهكه ساڵانه دووباره دهبێتهوه و شتى نوێیان تێدا نییه.
هێمن كهمهرخان، وتهبێژى بهڕێوهبهرایهتیى پۆلیس ژینگه و دارستانى پارێزگاى سلێمانى به 964ـى راگهیاند، مهشقهكان بۆ زیاتر بەرەوپێشبردنی ئاستی جەستەیی و هۆشیاری کارمەندانه و رۆژانە یەك کاتژمێر مەشقیان پێدهكرێت.
وتیشی “مەشقی ئەم وەرزەمان جگە لە ئەنجامدانی وەرزشی بەیانیان و رێڕۆیشتنی سەربازی، چەند وانەیهكی یاسایی، کارگێڕی، ژینگەیی، سەربازی بۆ کارمەندان ووتراونەتهوە “.
ئاماژهى بهوهش كرد، ساڵانه ئهم بابهتانه بۆ مهشقهكان دووباره دهكرێنهوه و لهگهڵ ئهوانهشدا كارمهندهكانیان رادههێنن بۆ پرسه ژینگهییهكان خول و سیمینار له ناوهندهكانى خوێندن بۆ قوتابیان بهڕێوهببهن.