عێراق و ئیسپانیا چەند یاداشتێكی لەیەكگەیشتنیان واژۆ كرد

964+

ئەرسەلان عەبدوڵا

ئەنجومەنی وەزیرانی عێراق رایگەیاند، سەرۆك وەزیران محەمەد شیاع سودانی لە مەدریدە و چەند یاداشتێكی لەیەكگەیشتنی لەگەڵ هاوتا ئیسپانییەكەی واژۆ كرد.

نووسینگەی راگەیاندنی سەرۆك وەزیران ئەمڕۆ پێنجشەممە 28.11.2024 بڵاویكردەوە، سودانی و پیدرۆ سانچێزی سەرۆك وەزیرانی ئیسپانیا لە مەدرید بە ئامادەبوونی چەند وەزیرێكی هەردوولا، چەند یاداشتێكی لەیەكگەیشتن و رێككەوتنیان واژۆ كرد.

بە پێی سەرچاوەكە، یاداشتەكان لەم بوارانەن:

*یاداشتی لەیەكگەیشتن بە لە بواری یاسا و گۆڕینەوەی شارەزایی لە نێوان وەزارەتی دادی عێراق و وەزارەتی داد و پەیوەندییەكان لە ئەنجومەنی یاسادانی شانشینی ئیسپانیا

* یاداشتی هەماهەنگی لە بواری دەستپێشخەری سیادی

*یاداشتی لەیەكگەیشتن لە نێوان ژووری بازرگانی هەردوولا

*یاداشتی لەیەكگەیشتن لە نێوان یەكێتیی پیشەسازییەكانی و یەكێتیی ئیسپانیا بۆ رێكخستنی كاروباری كۆمپانیاكان CEOE.

سەرچاوەكە ئاماژەی بەوەداوە، گفتوگۆ لە نێوان هەردوو سەرۆك وەزیرانی عێراق و ئیسپانیا كراوە بۆ واژۆكردنی چەند یاداشتێكی دیكە، ئەوانیش:

یاداشتی لەیەكگەیشتن لە نێوان دەستەی دەستپاكیی عێراق و جێگری گشتی دەوڵەت لە شانشینی ئیسپانیا، كە رێككەوتنەكە واژۆ كراوە.

یاداشتی هەماهەنگی لە نێوان پارێزگای واست و كۆمپانیای ئیماتیای ئیسپانی بۆ بیناسازی، رێككەوتنەكەش لە ژووری بازرگانی ئیسپانیا واژۆ كرا.

یاداشتی لەیەكگەیشتن بۆ هەماهەنگی لە نێوان وەزارەتی ناوخۆی هەردوو وڵات و بڕیارە رێككەوتنەكە لە وەزارەتی ناوخۆی ئیسپانیا واژۆ بكرێت.

سەرۆك وەزیرانی عێراق محەمەد شیاع سودانی بە سەرۆكایەتی شاندێكی باڵای حكومەت گەیشتە ئیسپانیا.

سودانی لەدوای سەرژمێری: ژمارەی دانیشتووانی عێراق زیاتر لە 45 ملیۆن کەسە