ئەو شەقامەی وەستانی ئۆتۆمبێل تیایدا قەدەگەیە لە هەڵەبجە وێنە: هاتوچۆی هەڵەبجە
شۆفێران ئاگادار بن
راگرتنی ئۆتۆمبێل لە شەقامێکی هەڵەبجە قەدەغە کرا
964+
ژێوار خدر
نەکەن ئۆتۆمبێلەکانتان لە راستە شەقامی بەردەم قوتابخانەی ئاسۆی حاجی محەمەد بامۆکی بنەڕەتی هەڵەبجە رابگرن، توشی سزای یاسایی دەبن.
ئەمڕۆ دووشەممە 25.11.2024، بەڕێوەبەرایەتی هاتوچۆی پارێزگای هەڵەبجە، ئاگادارییەکی بڵاوکردووەتەوە و دەڵێت، ئاگاداری شۆفێران دەکەینەوە کە راگرتنی ئۆتۆمبێل بە هەموو شێوەیەك قەدەغەکراوە لە راستە شەقامی بەردەم قوتابخانەی ئاسۆی حاجی محەمەد بامۆکی بنەڕەتی بە ئاڕاستەی گەڕەکی کانی عاشقان، چونکە شەقامەکە دوو ئاڕاستەی هاتنوچوونە بۆ شۆفێران.
دەشڵێت، هێمای قەدەغەی راگرتنی ئۆتۆمبێلیش لەسەر شەقامەکە دانراوە، هەر شۆفێرێك پابەند نەبێت رووبەڕووی سزای یاسایی دەبێتەوە.
