964+
سلێمانى
کرێکارێک لە پڕۆژەیەکى نیشتەجێبوون کەوتەخوارەوە و گیانى لەدەست دا
964+
دیلان محەمەد جەزا
کرێکارێک لە پڕۆژەیەکى نیشتەجێبوونى سلێمانى کەوتەخوارەوە و گیانى لەدەست دا.
رووداوەکە ئێوارەى دوێنێ شەممە روویداوە.
بەپێى زانیارییەکانى پەیامنێرى 964، ئێوارەى دوێنێ لە نهۆمی 12 ی یەکێک لە باڵەخانەکانی پرۆژەیەکى نیشتەجێبوون، کرێکارێکی بە نەتەوە کوردى خەڵکى رۆژئاواى کوردستان، کەوتوەتە خوارەوە و دوای گەیاندنی بە نەخۆشخانە گیانی لە دەستداوە.
کرێکارەکە ناوی (س.م)ـە و لە دایکبوی ساڵی 2003 یە و ئێستا تەرمەکەى لە پزیشکى دادى سلێمانى.
چالاک رەئوف، سەرۆکى سەندیکاى کرێکاران بۆ 964 پشتڕاستى کردەوە و دەڵێت، هێشتا بەشێک لە پڕۆژەکان مەرج و سەلامەتى کرێکارانیان رەچاو نەکردووە.
پێداچوونەوە: وریا فەتاح
