ئەمڕۆ ساماڵە و سبەی ئەگەری بارانبارین هەیە

964+

ئەرسەلان عەبدوڵا

كەشناسیی هەرێمی كوردستان بڵاویكردەوە، ئەمڕۆ پلەكانی گەرما نزیكە لە دوێنێ و ئاسمانیش ساماڵە، بەڵام سبەی ئەگەر بارانبارین هەیە.

ئەمڕۆ شەممە 9.10.2024 بەشی كەشناسی لە وەزارەتی گواستنەوە و گەیاندنی هەرێمی كوردستان بڵاویكردەوە، ئەمڕۆ پلەكانی گەرما لە پلەكانی دوێنێ نزیكن و ئاسمان ساماڵ دەبێت، هەندێك پەڵەهەوریش دروست دەبن.

هەروەها ئەوەیان خستەڕوو، خێرایی با لەسەرخۆ و مامناوەند دەبێت تا رادەی 5-15 كیلۆمەتر لە كاتژمێرێكدا.

ئەوەشیان باسكردووە، ئاراستەی با بەرەو خۆرئاوایە و مەودای بینین 9-10 كیلۆمەترە.

كەشناسی دەڵێت، سبەی كەشەكە بۆ نیمچەهەور و هەوری تەواو دەگۆڕێت و شەوەكەشی ئەگەری بارانبارین هەیە لە ناوچە شاخاوییەكاندا.

بەرزترین پلەکانی گەرمای پێشبینیکراو بە پلەی سیلیزی بۆ ئەمڕۆ :

هەولێر: 24

سلێمانی: 22

دهۆک: 23

کەرکوک: 25

هەڵەبجە: 22

زاخۆ:23

سۆران: 22

حاجی ئۆمەران: 11

گەرمیان: 25