لە قەزای دوکان نانەواخانەیەک داخرا

964+
ئەحمەد مستەفا

لە قەزای دوکان، نانەواخانەیەک داخراو دەستیش گیرا بەسەر هەویر و نانی ئامادەکراوی خاوەنەکەیدا، هەروەها چەند پارچە خواردن و خواردنەوەیەکی بەسەرچوو کەشف کراوە.

قایمقامیەتی دوکان لە راگەیەندراوێکدا دەڵێت، لە چوارچێوەی هەڵمەتی گەڕان و بەدواداچوونەکانی لیژنەی هاوبەشی قایمقامییەت لە چەند رۆژی رابردوودا، توانیویانە دەست بگرن بەسەر چەندین پارچە خواردن و خواردنەوەی لە قوتونراوی ماوە بەسەرچوو.

هەروەها، بەهۆی پابەندنەبوونی یەکێک لە نانەواخانەکانی قەزای دوکان بە رێنماییە تەندروستییەکان، لیژنە هاوبەشەکە دەستی گرتووە بەسەر هەویر و نانی ئامادەکراوی نانەواخانەکەو بە بڕیاری قایمقامی دوکان نانەواخانەکە داخراو سزای دارایش دراوە.

ئەم هەڵمەتە بەشێکی زۆر لە گۆشتفرۆش، فرۆشگای خوێندنگاکان، مارکێت، شوێنە گشتییەکان، نانەواخانەکان و رێستۆرانتەکانی قەزای دوکانی گرتووەتەوە و قایمقامیەت دەڵێت، لیژنەی هاوبەشیش جەخت لەوە دەکاتەوە لەبەرامبەر هەر سەرپێچییەک سزایان دەبێت.

دیمەنی سەردانی لیژنەکان؛

+3