شۆفێران نەکەن بەسەریدا بڕۆن
پردی خەلیفاوا لە سلێمانی مەترسی داڕمانی لەسەرە
964+
شۆڕش قادری
بارانی بەلێزمە و لافاوی چەند رۆژی رابردوو زیانی بە چەند شوێنێک گەیاندووە و لە سلێمانیش پردی خەلیفاوا مەترسی داڕمانی لەسەرە، شۆفێران ئاگادار بن.
بەڕێوەبەرایەتی هاتوچۆی سلێمانی لە راگەیەنراوێکدا دەڵێت، “لەبەر رۆشنایی هۆشداری سەرۆکایەتی شارەوانی سلێمانی، ئاگاداری شۆفێرانی بەڕێز دەکەین (پردی خەلیفاوا) لە ناوچەی پیشەسازی و هەروەها کە لە بەکرەجۆوە بۆ هەمان پردی ناوبراو دەڕوات، لە ئێستادا بەهۆی لێزمە بارانی بەخوڕ مەترسی هەرەسهێنان و رووخانی لەسەرە”.
“بۆ پاراستنی سەلامەتیتان داواکارین بەهیچ جۆرێک ئەو پردە بەکارنەهێنن”، هاتوچۆی سلێمانی وادەڵێت.
ئاماژەی بەوەشکردووە، لەسەر فەرمانی بەڕێوەبەری هاتوچۆی سلێمانی، سەرجەم رێکارە پێویستەکان بۆ سەلامەتی شۆفێران گیراوەتەبەر.