هاوڵاتیانی ئۆكرانیا لەكاتی جێهێشتنی وڵاتەكەیان، وێنە: سۆشیاڵ میدیا
چواردە ملیۆن ئۆكرانی بەهۆی شەڕەوە ئاوارەبوون
+964
كوردستان ئەحمەد- هەولێر
ژمارەی دانیشتوانی ئۆكرانیا نزیكەی 44 ملیۆن كەسە و بەهۆی هەڵگیرسانی شەڕەوە زیاتر لە چواردە ملیۆن هاوڵاتی ئاوارە بوون
بەرەبەیانی رۆژی24ی شوبات شەڕی نێوان روسیا و ئۆكرانیا دەستیپێكرد، بەپێی ئاماری نەتەوە یەكگرتوەكان بەهۆی جەنگەوە نزیكەی 14ملیۆن و 400هەزار كەس ئاوارەی وڵاتانی دراوسێی بوون.
لەو ژمارەیەش نۆ ملیۆن و 500هەزار هاوڵاتی ئۆكرانی ئاوارەی وڵاتی پۆڵەندابوون
یەك ملیۆن و 100هەزار هاوڵاتی ئۆكرانیش ئاوارەی سلوفاكیا بوون
یەك ملیۆن و 900 هەزار هاوڵاتی ئۆكرانی ئاوارەی رۆمانیا بوون و
هەنگاریاش دوو ملیۆن وسەد هەزار ئاوارەی ئۆكرانیای لە خۆگرتووە
مۆڵدۆڤیاش 800 هەزار ئاوارەی ئۆكرانی لە خۆ گرتووە
نەتەوە یەكگرتەوەكان باس لە خراپی دۆخی مرۆی لە ئۆكرانیا دەكات و دەڵێت:”لە ئەگەری بەردەوامی شەڕ لەو وڵاتەدا ژمارەی ئاوارەكان روو لە زیادبوون دەكات و ئەمەش مەترسی گەورەی لێدەكەوێتەوە.
شەڕ لە ئۆكرانیا زیاتر لە 300 رۆژە بەردەوامە و تا ئێستاش چەندین شار و شارۆچكە لە ئۆكرانیا بەهۆی جەنگەوە وێران بوون