سوپای عێراق.
بە F16
لە حەمرین بۆرودومانی داعش كرا
964+
ئەرسەلان عەبدولا
فه‌رمانده‌یی ئۆپه‌راسیۆنه هاوبه‌شه‌كانی عێراق رایگەیاند، ئەشكەوتێكیان لە چیای حەمرین بۆردومان كردووە، كە شوێنی چەكدارانی داعش بووە، بەڵام وردەكاری هێرشەكەیان باس نەكردووە.
شانەی ئەمنیی عێراق لە راگەیاندراوێكدا درەنگانی شەوی رابردوو بڵاویكردەوە، لە زنجیرە چیاكانی حەمرین لە لایەن فڕۆكەی F16ی سوپای عێراقەوە ئەشكەوتێك بۆردومان كراوە، كە ژمارەیەك چەكداری داعشی تێدابووە لە سنووری ئۆپەراسیۆنەكانی كەركوك.
لە راگەیاندراوەكەدا هاتووە، “هێزە ئەمنییەكانمان بە پشتبەستن بە چەند زانیارییەكی وردی هەواڵگری هێرشەكەیان ئەنجامداوە و بەردەوامیش دەبن لە راوەدونانی چەكدارانی داعش لە هەر كوێیەك بن”.
بەڵام لە راگەیاندراوەكەدا ئەنجامی هێرشەكە و وردەكارییەكانی نەخراوەتەڕوو.
