تەرمی ئەو هاوڵاتییە دۆزرایەوە کە ئۆتۆمبێلەکەیان کەوتەناو رووبارەوە

شۆڕش قادری

دوای سێ رۆژ تەرمی ئەو هاوڵاتییە دۆزرایەوە کە لە ئیدارەی راپەڕین ئۆتۆمبێلەکیان وەرگەڕا و کەوتەناو رووباری گاڕڤێنەوە.

بەرەبەیانی رۆژی دووشەممە 23.3.2026 لە لۆفەکانی کورتەک لە سنووری ئیدارەی راپەڕین ئۆتۆمبێلێک بە سێ سەرنشینەوە وەرگەڕا و کەوتەناو رووبارەوە، بەهۆیەوە یەکێک لە سەرنشینانی ئۆتۆمبێلەکە برینداربوو و یەکێکی دیکەشیان بەناوی عەبدولڕەزاق مەلا محەمەد بێسەروشوێن بوو.

عەلی قادر وتەبێژی بەرگری شارستانی راپەڕین بە 964ـی وت، “کەمێک پێش ئێستا تەرمی عەبدولڕەزاق نزیکەی دوو کیلۆمەتر لە خوار ئەو شوێنەی کە ئۆتۆمبێلەکەیان وەرگەڕابوو، دۆزراوەتەوە”.