لە گوندێکی ئامێدی تەقینەوەیەک روویدا

964+

هیڤی دێوالی -دهۆک

لە سەر رێگای سەرەکی و دەروازەی گوندی مێرستەک لە قەزای ئامێدی بڕێك تی ئێن تی تەقییەوە، جگە لە زیانی ماددی، زیانی گیانی لێنەکەوتەوە.

درەنگانی شەوی رابردوو، تەقینەوەیەک لە سەر رێگای گوندی مێرستەک روویداوە و دەنگێکی بەهێز بیستراوە، بەپێی گرتەڤیدیۆیەک کە بۆ 964 نێردراوە، خەڵکی ناوچەکە شڵەژاون و تووشی ترس و دڵەڕاوکێ بوون.

هاوڵاتییەکی گوندی مێرستەک بەناوی محەمەد بە 964ـی وت، “درەنگانی شەوی رابردوو گوێمان لە دەنگێکی زۆر گەورە بوو، کاتێک چووینە دەرەوە، بیستمان کە تی ئێن تی لەسەر رێگای سەرەکی و سەرەتای  مێرستەک تەقیوەتەوە”.

وتیشی، تەقینەوەکە هیچ زیانێکی گیانی نەبووە و تەنیا زیان بە دیواری مزگەوتی گوندەکە و چەند ماڵێک کەوتووە.

گوندی مێرستەک نزیکەی 100 ماڵە و دەکەوێتە سنووری قەزای ئامێدی لە پارێزگای دهۆک.

پێداچوونەوە: شۆڕش قادری