نرخی یەک کیلۆی لەنێوان پێنج بۆ حەوت هەزار دینارە
گۆیژە تام خۆشەکەی دهۆک پێگەیشتووە
964+
هیڤی دێوالی-دهۆک
وەرزی پێگەیشتنی گۆیژ لە پارێزگای دهۆک دەستیپێکردووە، لەلایەن هاوڵاتییانشەوە خواستێکی زۆری لەسەرە.
لەپارێزگای دهۆک لەم وەرزە دا هاوڵاتییان دەچنە ناوچە شاخاویەکان بۆ لێکردنەوەی و لە بازاڕ دەیفرۆشن.
عەلی حەسەن، خاوەنی دوکانی میوەیە لە بازاڕی دهۆک بە 964ـی وت، چەند رۆژێکە گۆیژی دهۆک پێگەیشتووە و لە بازاڕدا دەفرۆشرێت، نرخیی کیلۆیەکی لە نێوان حەوت بۆ پێنج هەزار دینارە.
وتیشی، بەرهەمی گۆیژی ئەمساڵ بەشێوەیەکی بەرچاو زیادی کردووە، بەڵام قەبارەکەی بچووکترە و تامێکی شیرین و ترشی هەیە.
لە وەرزی پایز دا بەرهەمە خوماڵییەکانی وەک: کولەکەی زەرد، گۆیژ، هەرمێ، هەنار و بەهێ پێدەگەن و لە بازاڕەکانی میوەدا دەفرۆشرێن.
گۆیژ یان گێوژ دارێكی خۆڕسكه و لە پایزاندا بهرهكهی پێ دهگا، له كوردستان دوو جۆری گۆیژ ههیه سوور و زهرد. بەڵام زیاتر گۆیژی زەرد لە سنووری قەزای ئاکرێ، ئامێدی و دەڤەری دۆسکییان و مزیریی و بەرواری باڵا هەن.
پێداچوونەوە: ژێوار خدر
