بۆ کەمکردنەوەى رووداوەکان

لە بەردەمى قوتابخانەکانى هەولێر تاسە دانرا

964+

وریا فەتاح

لە بەردەمى قوتابخانەکانى هەولێر دەستکرا بە دانانى تاسە، پارێزگاى هەولێریش دەڵێت: بۆ کەمکردنەوەى رووداوەکانى هاتوچۆیە.

پارێزگاى هەولێر بڵاوى کردەوە، لەلایەن تیمەکانی ئەندازەی هاتوچۆی هەولێر و لە پێناو سەلامەتى و پاراستنى گیانى قوتابیان و هاوڵاتیان، دەستکرا بە دانانی تاسە لە بەردەم قوتابخانەکان، ئەوەش بۆ کەمکردنەوەی خێرایی شوفێران لە شوێنى پەڕینەوەی پیادە.

چەند رۆژێکە دەرگاى قوتابخانەکان کراوەتەوە و خوێندن دەستى پێکردووەتەوە، ساڵانى رابردوو چەندین رووداوى نەخوازراوى هاتوچۆ لە بەردەم قوتابخانەکان روویانداوە، بۆیە ئەم تاسانە بەشێکن لە رێگریکرن لە کەمکردنەوەى رووداوەکانى هاتوچۆ.