رێگای بەحرکە بە 1500 دار دەڕازێندرێتەوە

+964

توانا نەقی

تیمەکانی ئەندازی پارکەکانی هەولێر ئامادەکارییان کردووە و چاڵیان بۆ 1500 دار هەڵکەندووە کە لە رێگای بەحرکە بیچێنن و ئەو شەقامە بە دار بڕازێننەوە.

ئەندزی پارکەکان خۆیان ئەوەیان بڵاوکردووەتەوە. تیمەکانمان ئامادەکاری تەواویان کردووە بۆ چاندنی 1500 دار لە شەقامی بەحرکە لە نێوان 120 مەتری بۆ 150 مەتری، ئەم هەنگاوە گرینگە رێژەی سەوزایی زیاتر دەکات و سیمایەکی زۆر جوانتر بەو شەقامە دەبەخشێت.

رێبین ئەحمەد بەڕێوەبەری ئەندازەی پارکەکانی هەولێر بە 964ـی وت، چاندنی ئەو رێژە دارە زۆرە لە رێگای بەحرکە هەر لە چوار چێوەی ئەو هەڵمەتەیە کە لە 14ـەی سێی ئەمساڵەوە راگەیندراوە و تا سەری ساڵ بەردەوام دەبێت.

وتیشی، لەو 1500 دارە زۆرینەیان لە جۆری سیسەم و ئەلبیزیان و دیمەنێکی زۆر جوان و ناوازە دەدات بە شەقامەکە.