سلێمانی دەیەوێت هەڵبژاردنێكی ئارام لە شارەكەیدا بەڕێوەبچێت 

ئەرسەلان عەبدوڵا

لیژنەی ئارامی لە پارێزگای سلێمانی رایگەیاند بۆ هەڵبژاردنی پەرلەمانی كوردستان لە مانگی داهاتوو، پێویستە هەموو لایەك خۆیان لە توندوتیژی و بەریەككەوتن بەدووربگرن و شێوازێكی مەدەنیانە بۆ بانگەشەكردن بەكار بهێنن.

پارێزگای سلێمانی ئەمڕۆ سێشەممە 17.9.2024 لە پەیجی فەرمی خۆیدا چەند بڕیارێكی بڵاوكردەوە، كە لە لایەن لیژنەی ئارامییەوە دەرچووە.

لیژنەكە دەڵێت، لیژنەی ئارامی دوای بڕیار و رێنماییەكانی لیژنەی باڵای ئارامیی هەرێمی كوردستان بۆ هەڵبژاردنەكان، كە لە كۆبوونەوەی 27.8.2024 لە هەولێر كرا، چەند بڕیارێك رادەگەیەنێت، لەوانە هەڵگرتنی چەک و نمایشی سەربازی لە کاتی بانگەشەی هەڵبژاردندا قەدەغەیە.

هەروەها پێویستە هەموو كاندیدەكان، لیستەكان، قەوارە و هاوپەیمانیەتییەکان و هەوادار و پشتیوانەکانیان بە شێوازێکی مەدەنیانەی دوور لە توندوتیژی و بەریەککەوتن بانگەشەی هەڵبژاردن بکەن.

بڕیارەكان بە گشتی بەم جۆرەن، كە لە نووسراوە فەرمییەكدا هاتوون: