رێگاى دوکان بۆ چوارقوڕنە...وێنە 964
خۆپیشاندەران بڵاوەیان لێکرد
رێگاى خەلەکان کرایەوە
964+
وریا فەتاح
کەمێک پێش لەمەوبەر، خۆپیشاندەرانى گوندەکانى دۆڵى خەلەکان بڵاوەیان لێکرد و رێگەى رانیە بۆ دوکانیان بەڕووى بارهەڵگرەکاندا کردەوە و هاتوچۆ ئاسایى بووەتەوە.
کامەران عەبدوڵا، بەڕێوەبەرى ناحیەى خەلەکان بە 964ـى وت، چەند خولەکێک پێش کاتژمێر 12:00، خۆپیشاندەران بڵاوەیان لێکرد و رێگاکەیان بەڕووى بارهەڵگرەکاندا کردەوە.
وەک ئەوەى باسى دەکات، زیاتر لە دوو کاتژمێر بوو خۆپیشاندەران رێگەکەیان بە ڕووى بارهەڵگرەکاندا داخستبوو.
وتیشى،”پەیوەندیمان لەگەڵ چەند خۆپیشاندەرێک بەستووە و داواکارییەکانیان پێداوین و ئێمەش وەڵاممان داونەتەوە، ئینجا رێگەکەیان کردووەتەوە”.
لەبارەى داواکارییەکانیانەوە، کامەران عەبدوڵا باسى لەوەکرد کە تەواوکردنى دوسایدى هیزۆپ بۆ دوکان، داواکارى سەرەکیان بووە.
یەکێک لە خۆپیشاندەران بە تەلەفون قسەى لەگەڵ 964 کرد و وتى،”تا چوارشەممە مۆڵەتمان بە لایەنى ئیدارى داوە، ئەگەر وەڵامى داواکارییەکەمان نەدرێتەوە دوبارە رێگەکە دەگرینەوە و خێمەش هەڵدەدەین”.
