وانەبێژان مۆبایلەکانتان دامەخەن

964+

وریا فەتاح

تەواوى داتاکانى مامۆستایانى وانەبێژ وردبینیان بۆکراوە و رۆژى دووشەممە دەنێردرێنە ئەنجومەنى وەزیران و فەرمانى دامەزراندنیان بۆ دەردەچێت، نوێنەرى گشتیى ئەو مامۆستایانەش دەڵێت، با وانەبێژان مۆبایلەکانیان دانەخەن.

عەلى رەئوف، نوێنەرى گشتیى مامۆستایانى گرێبەست بە 964ـى وت،”دوێنێ شەو دوای 18 رۆژ کارکردنی بەردەوام کۆتایی هێنرا بە پرۆسەی وردبینیکردن لیستى مامۆستایانى وانەبێژ، بڕیارە رۆژی دووشەممە 16.9.2023، لیستەکە بنێردرێت بۆ ئەنجومەنی وەزیران و فەرمانیان بۆ دەربچێت.

وەک باسى دەکات، سەرەتا لیستی مامۆستایانی وانەبێژ بە مۆرکراوی بۆ هەر پەروەردەیەک بە جیا نێردرا و ماوەی ٧حەوت رۆژی کاکردنیان پێدان بۆ گەڕانەوەی لیستەکان و چاککردنی هەر کەموکوڕییەک لە داتاکان .

رونیشى کردەوە، پاش گەڕانەوەی لیستەکانی هەموو پەروەردەکان لیژنەیەک لە وەزارەت تا 12ـى شەو بە بەردەوامی پێداچوونەوەیان بە وردبینی پەروەردەی قەزاکان دەکرد.

دەشڵێت، لەمڕۆوە هەر وانەبێژێک هەڵە لە داتا و زانیارییەکانى هەبێت، تەلەفونى بۆ دەکەن و هەڵەکە راست دەکەنەوە، بۆیە گرنگە وانەبێژا مۆبایلەکانیان کراوەبێت.

رۆژى 25ـى ئابى 2024، نوێنەرى وانەبێژان له‌ كۆبوونه‌وه‌یه‌كیاندا له‌گه‌ڵ سه‌رۆكى حكومه‌ت، بڕیاردرا سه‌رجه‌م وانه‌بێژان بكرێنه‌ گرێبه‌ست کە ژمارەیان نزیکەى 38 هەزار مامۆستاى وانەبێژە.