دیمەنی ئەو پیکابەی توشی رووداوەکە بووە وێنە: هاتوچۆی سۆران
لە خەلیفان
لە رووداوێکی هاتوچۆدا منداڵێک گیانی لەدەستدا و چوار کەسی دیکەش بریندار بوون
+964
ژێوار خدر
کەمێک پێش ئێستا بەهۆی رووداوێکی هاتوچۆوە، لە سنووری قەزای خەلیفان منداڵێک گیانی لەدەستدا و چوار کەسی دیکەش بریندار بوون.
موحسین تەحسین، وتەبێژی هاتوچۆی سۆران بە 964ـی وت، رووداوەکە لە ئۆڤەر پاسی سپیلک لەسەر رێگەی خەلیفان – سپیلک روویداوە، لە جۆری پێکدادان بووە لە نێوان پیکاب تۆیۆتا و تڕێڵەیەکی سکانیا، منداڵێک گیانی لە دەستدا و چوار کەسی دیکەش بریندار بوون.
وتیشی، ئەو منداڵەی کە گیانی لەدەستداوە و بریندارەکانیش، سەرجەمییان سەرنشینی پیکابەکە بوون، زانیاریمان نییە لەسەر ئەوەی هەموویان ئەندامی یەک خێزانن یاخود نا.
