دیمهنێكی كاتى ههلمهتى خوێنبهخشین لهناحیهى دارهتوو ... وێنه: راگهیاندنى رێكخراوى دڵژین
زۆربەیان بۆ نەخۆشانی تالاسیما بووە
مانگی رابردوو نزیکەی چوار هەزار بوتڵ خوێن لە سلێمانی بەخشراوە
964+
ژووری هەواڵ
هاوڵاتیان لە نەخۆشخانە حکومی و تایبەتەکان سنووری شاری سلێمانی، لە ماوەی مانگی رابردوودا نزیکەی چوار هەزار بوتڵ خوێنیان بەخشیوە.
ئەمڕۆ چوارشەممە 11.9.2024، بەڕێوبەرایەتی تەندروستی سلێمانی رایگەیاند، مانگی رابردوو نۆ هەزار و 120 کەس سەردانی بانکی خوێنیان کردووە و سێ هەزار و 918 بوتڵ خوێن لە هەموو نەخۆشخانە حکومی و تایبەتەکان وەرگیراوە.
زۆرترین بڕی خوێن لە نەخۆشخانەی تالاسیما بەخشراوە کە 812 بوتڵ بووە، 507 بوتڵ خوێن لەنەخۆشخانەی هیوا و 393 بوتڵ خوێن لەنەخۆشخانەی شار و 95 بوتڵ خوێن لە نەخۆشخانەی فێركاری و 138 بوتڵ خوێن لە نەخۆشخانەی دڵ و 131 بوتڵ خوێن لەنەخۆشخانەی مناڵبوون و 1,143 بوتڵ خوێن لەنەخۆشخانە ئەهلیەكان راكێشراون.
“لەماوەی مانگی رابردوودا لەبانكی خوێن پێنج هەزار و 245 پشكنینی هیماتۆلۆجی و چوار هەزار و 130 پشكنینی گروپی خوێن و چوار هەزار و 307 پشكنینی ڤایرۆسات و هەروەها دوو هەزار و 382 جیاكردنەوەی پێكهاتەكانی خوێن ئەنجام دراوە”، تەندروستی سلێمانی وا دەڵێت.
