جوتیاران گەنمەکانیان لە شەقام رۆکردووە لە کۆیە. وێنە :964
لە سلێمانی
هەفتەی داهاتوو پارەی گەنمی جوتیاران دابەش دەکرێت
+964
دیلان محەمەد جەزا
بریارە سبەینێ چەکی پارەی گەنمی جوتیاران بگاتە سلێمانی و لە ناوەڕاستی هەفتەی داهاتوو پارە بۆ جوتیارانی سلێمانی خەرج دەکرێت.
نەسرین ئەحمەد بەڕێوەبەری سایلۆکانی سلێمانی بە 964ـی وت، بڕیارە سبەینێ چەکی پارەی گەنمی جوتیاران بگاتە سلێمانی و لە رۆژی دووشەممەی هەفتەی داهاتوو پارە بۆ جوتیاران خەرج دەکرێت.
باسی لەوەکرد، بڕی پارەی تەرخانکراو 67 ملیار و 84 ملیۆن و 116 هەزار دینارە و سەرجەم ئەو جوتیارانە دەگرێتەوە کە لە 12.6.2024 تا27.6.2024 گەنمیان رادەست کردووە.
ئەوەی خستەڕوو، لە پارێزگای سلێمانی بری 277 هەزار و 500 تۆن گەنم وەرگیراوە لە جوتیاران و لە کاتی دابەشکردنی پارەکەدا جوتیاران ئاگادار دەکرێنەوە.
پێداچوونەوە: توانا نەقی
