“زێڕ بەرزە و خەڵک ناچار نەبێت نایکڕێت”

964+

وریا فەتاح

نرخى زێڕ لە بازاڕەکانى هەرێمى کوردستان، لە ئاستێکى بەرزدا مامەڵەى پێوە دەکرێت، زێڕنگەرێکى بازاڕى هەولێریش دەڵێت، ئەگەر جاران زاوا 40 مسقاڵى بۆ بووک کردبا ئێستا بەزۆر دەتوانن 10 بۆ 15 مسقاڵ بکەن.

نرخەکانى زێڕ بۆ ئەمڕۆ شەممە لە هەولێر بەم شێوەیەیە:

یەک مسقاڵ زێڕ عەیار 24 بە 605 هەزار دینارە

یەک مسقاڵ زێڕ عەیار 22 بە 555 هەزار دینارە

یەک مسقاڵ زێڕ عەیار 21 بە 530 هەزار دینارە

یەک مسقاڵ زێڕ عەیار 18 بە 455 هەزار دینارە

نرخەکان لە سێڤین ئیبراهیم، زێڕەنگەرى هێنەر لە هەولێر وەرگیراون، وەک باسى دەکات، بازاڕ سستە و کڕین و فرۆشتن هاوسەنگە.

“بەرزى نرخى زێڕ وایکردووە، ئەگەر جاران زاوا 30 بۆ 40 مسقاڵى بۆ بووک کردبا، ئێستا بەزۆر دەتوانێت 10 بۆ 15 مسقاڵ بکات”. سێڤین ئیبراهیم واى وت.

روونیشى کردەوە، بەراورد بە ساڵى رابردوو، یەک مسقاڵ زیڕ عەیار 21 زیاتر لە 150 هەزار دینارى چووەتەسەر.

هەتا دێت نرخى زێڕ بەرز دەبێتەوە