لە زاخۆ گەنجێک خنکا و هاوڕێکەشی لە خنکان رزگار کرا

964+

شڤان عەبدوڵا – زاخۆ

کەمێک پێش ئێستا گەشتیارێکی گەنج لە رووباری خابوردا خنکا.

پیش نیوەڕۆی ئەمڕۆ هەینی کاتژمێر  10:30 خولەک،  لە گوندی گوفکێ کە شوێنێکی گەشتیارییە و گەشتیارێکی زۆر رووی تێدەکەن، گەنجێکی شاری موسڵ تەمەن 18 ساڵان خنکا، بەرگری شارستانی زاخۆ تەرمەکەیان دۆزییەوە و رەوانەی پزیشکی دادی زاخۆیان کرد.

جەمال هەسن، بەرێوەبەری بەرگری شارستانی زاخۆ بە 964ـی وت، “تیمەکانمان توانیان تەرمی گەنجەکە بدۆزنەوە و گەنجێکی دیکەش کە هاوڕێی گەنجە خنکاوەکە بوو لەخنکان رزگار کرا و ئەوەی پێویست بووە بۆی کراوە.”

بەپێی ئاماری بەرگری شارستانی زا، لەمساڵدا 13 کەس خنکاون لەو سنوورە، تا ئێستاش تەرمی منداڵێک کە نزیکی پێنج مانگە خنکاوە، نەدوزراوەتەوە.

لە تەقتەقیش کەسێک لە خنکان رزگار کرا