جوتیارانی چاڵاخ برنج دەدورنەوە _ وێنە: 964
لە سنووری پارێزگای هەولێر
جوتیاران گرێبەستە کشتوکاڵییەکانییان دەکرێت بە ناوی خۆیانەوە
+964
ژێوار خدر
بەپێی بڕیارێکی حکومەتی هەرێم، لە سنووری پارێزگای هەولێر، هەر جوتیارێک زەوی لەبەردەستدابێت و گرێبەستی کشتوکاڵی بەناو نەبێت، لەمەودوا دەتوانێت گرێبەستەکە بگۆڕێت بۆ سەر ناوی خۆی.
مەڕوان حسێن، بەڕێوەبەری بنکەی کشتوکاڵی مەخمور بە 964ـی وت، هەر جوتیارێک کە زەوی هەیە و گرێبەستە کشتوکاڵییەکەی بەناوی خۆی نییە دەتوانێت بێت و گرێبەستەکە بکات بەناوی خۆیەوە.
وتیشی، ئەم بڕیارە لە بەرژەوەندی جوتیاراندایە ،چونکە پێشتر کێشەی زۆرێک لە جوتیاران بووە، جوتیار هەیە لە ساڵی 1975ەوە گرێبەستەکەی بەناوی خۆی نییە و خاوەنی زەوی کشتوکاڵیش بووە.
روونیشیکردەوە، پێویستە ئەو کەسە دوو شاهێدی هەبێت و هەروەها پشتگیری موختار و بەرپرسی یەکە ئیدارییەکان جا قەزا بێت یان ناحیە لەگەڵ خۆیدا بهێنێت بۆ جێبەجێ کردنی مامەڵەکانی.
”ئەوەی من ئاگادار بم، بڕیارەکە تەنیا سنووری پارێزگای هەولێر دەگرێتەوە و بۆ پارێزگاکانی دیکە نییە.” مەڕوان حەسەن وای وت.
