لیستى موچە راگەیەنرا

+964

وریا فەتاح

وەزارەتى دارایى هەرێم، لیستى موچەى فەرمانبەرانى بۆ مانگى تەمووز بڵاوکردەوە و لە ماوەى سێ رۆژدا سەرجەم موچەخۆران، موچەکانیان وەردەگرن.

بەپێی لیستەکەی وەزارەتی دارایی بەشێوازێک ریزبەندی وەزارەتەکان دانراوە کە لە ماوەی سێ رۆژدا و لە رۆژی سێشەممە دەست پێدەکات و لە رۆژی پێنجشەممە کۆتایی دێت.

وەزارەتی دارایی ئاماژەی بەوەشکردووە، لە سەرجەم وەزارەتەکان، هەموو ئەو فەرمانبەر و مووچەخۆرانەی لە رێگەی هەژماری منەوە مووچە وەردەگرن، ڕۆژی چوارشەممە 4.9.2024 موچەکانیان دەخرێتە سەر هەژمارەکانیان و دەتوانن هەمان رۆژ موچەکانیان رابکێشن.

هەر ئەمڕۆ لە راگەیاندراوێک دیکەی وەزارەتی داراییدا ئەوە بڵاوکرایەوە کە موچەی مانگی تەموزی خانەنشینان بە هاوتاکراوی لەگەڵ عێراق بە پێی یاسای خانەنشینی هەموارکراو دابەش دەکرێت.

بڵاوکردنەوەی ئەم لیستە لە کاتێکدایە ماوەی 57 رۆژە موچەخۆرانی هەرێم موچەیان وەرنەگرتووە و بەشێکێش لە فەرمانگەکانی پارێزگای سلێمانی لە بێ موچەییدا بایکۆتیان راگەیاندووە.