یەکیان پۆلیسە
تەرمی دوو هاوڵاتی لە دەوروبەری قەرەتەپە دۆزرانەوە
+964
راژان باجەڵان – خانەقین
تەرمی دوو هاوڵاتی لە دەوروبەری شارۆچکەی قەرەتەپە لە سنووری دەسەڵاتی سوپای عێراقی دۆزرانەوە.
سەرچاوەیەکی ئەمنی لە قەرەتەپە بە 964ی وت، بەرەبەیانی ئەمڕۆ دوو تەرم لە سنوورەکە دۆزرانەوە، کە یەکێکیان پۆلیسی ئیتیحادییە و دانیشتووی سەڵاحەدینە، دووەمیان هێشتا نەناسراوە و هەردوو تەرمەکە رەوانەی نەخۆشخانەی گشتی بەعقوبە کراون بۆ پزیشکی داد.
سەرچاوەکە ئەوەشی وت، هۆکار و شێوەی روودانی ئەم کردەوەیە تا ئێستا ئاشکرا نەکراوە و لایەنە پەیوەندیدارەکان لە لێکۆڵینەوە بەردەوامن
ئەم ناوچەیەی تەرمەكانی لێ دۆزراوەتەوە، چەندین جار رووداوی هاوشێوەی تێدا روویداوە و چەندین جاریش رووبەرووبوونەوەی چەكداری لە نێوان سوپای عێراق و داعش لەوێدا روویداوە.
پێداچوونەوە: ئەرسەلان عەبدوڵا
