دیمەنێک لە قیرتاوکردنەکە. فۆتۆ: راگەیاندنی شارەوانیی هەولێر
هەولێر
چاڵ و قۆرتەكانی ناوچەی پیشەسازیی باكوور قیر كران
964+
ئەرسەلان عەبدوڵا
شارەوانیی هەولێر رایگەیاند، ئەمڕؤ رۆژی هەینی بوو فرسەتیان هێناوە لەوەی پشووی فەرمییە و قیرتاو و چاككردنەوەی بەشێك لە كۆڵانەكانی ناوچەی پیشەسازیی باكووریان ئەنجام داوە.
سەرۆكایەتیی شارەوانیی هەولێر بڵاویكردەوە، بە مەبەستی کەمکردنەوەی ئاستەنگی هاتوچۆ، ئەمڕۆ هەینی 30.8.2024 لەلایەن تیمەکانی چاککردنەوەی شەقام لە هەر شەش بەڕێوەبەرایەتی شارەوانییەكانی 1 تا 6، بە هەماهەنگی کارگەی قیری سەرۆکایەتیی شارەوانی هەولێر، قیرتاوکردن و چاککردنەوەی چاڵ و شکستەکانی بەشێک لە کۆڵانەکانی پیشەسازی باکوور ئەنجامدرا.
هەروەها دەڵێن، 963 تۆن قیر بۆ کۆی كارەكان بەکارهات.
شارەوانیی هەولێر دەڵێن، راناوەستین و لە رۆژانی داهاتووشدا هەڵمەتەکە بۆ چەندین گەڕەک و کۆڵانی دیکەی شاری هەولێر ئەنجام دەدەن.
