بۆ ناسینەوەی ژینگەپیسکەران کامێرای چاودێری دادەنرێت

964+

ئەحمەد مستەفا

پارێزەرێک لەسەر ئەرکی خۆی شەش کامێرای چاودێری بۆ شارەوانی سەیدسادق دابینکرد، ئەوانیش بۆ چاودێری ژینگەی دوو پردی قەزاکە دەیخەنەکار.

کارەکە بۆ ئەوەیە لەو رێگەیەوە رێگربن لە فڕێدانی پاشماوە و پیسکردنی ژینگەی هەردوو پردەکە.

هەردوو پردەکە دەکەونە ناو سەنتەری قەزای سەیدسادق، حەمزە محەمەد، سەرۆکی شارەوانی قەزای سەیدسادق بە 964ـی وت، “شەش کامێراکە بۆ مەبەستی چاودێری و لەسەر پردەکانی چەمی چەقان و سەر پردی کۆبانێ دادەنرێن”.

شارەوانی پلانی وایە لە ئایندەیەکی نزیکدا بیانخاتەکار، سەرۆکی شارەوانی وتیشی، “هەریەکەیان لـــە شوێنێکی گونجاودا دادەنێین، داوا لــە هاوڵاتییان و ماڵان و دووکاندارو کاسبکارانە دەکەین ژینگەی ئەو شوێنانە بپارێزن”.

“بەدڵنیایی کارەکەم، سوود و کاریگەری باشی دەبێت لە کەمبوونەوەی دیاردەی رشتن و فڕێدانی خۆڵ و خاشاک بۆ ناو چەمی چەقان، چونکه هاوڵاتی هۆشیاری و ترسی ئەوەیان دەبێت کە غەرامە بکرێن، وە بە دڵنیایش لە کاتی سەرپێچی سەلمێندراو غەرامە دەکرێن”، حەمزە محەمەد وای وت.

دابینکردنی کامێراکانی چاودێری؛