دیمەنی هەردوو پردەکەی گردەگۆزینە لە کەلار.وێنەسۆشیال میدیا
لە کەلار
پردە تازەکەی گردەگۆزینە داخرا و رێگاکە بوو بە یەک ساید
+964
توانا نەقی
لەم بەیانییە کاتژمێر 7:00ـەوە پردە نوێیەکەی گردە گۆزینە لە کەلار داخراوە و بەمەبەستی کارکردن تیایدا و شۆفێران دەتوانن پردە کۆنەکە بۆ هەردوو ئاراستە بەکاربهێنن.
هاتوچۆی کەلار بڵاویکردەوە، شۆفێران ئاگادار دەکەنەوە لەم بەیانییەوە تا کاتێکی نادیار پردە تازەکەی گردە گۆزینە لە کەلار و خانەقین بەیەکەوە دەبەستێتەوە داخراوە.
دەشڵێت، هاتوچۆکردن بە هەردوو ئاراستەی کەلار و خانەقین دەکەوێتە سەر پردە کۆنەکە و بۆیە ئاگاداربن بۆ ئەوەی دووربن لە رووداوی نەخوازراو.
پردی تازەی گردەگۆزینە دەکەوێتەسەر رووباری سیراوان و سەر رێگای کەلار بۆ خانەقین، لەلایەکی دیکەوە رێگاشە بۆ مەرزی پەروێزخان و رۆژانە لۆدێکی زۆری ئۆتۆمبێل و بارهەڵگری لەسەر.
