چیتر شووتى بە شەرتى چەقۆ مەکڕن

964+

کامیار کەمال – پێنجوێن

هەمووان لە بازاڕدا بە شەرتى چەقۆ شووتى دەکڕن، بەڵام جوتیارێک لە رێگەى ئەزموونى خۆیەوە شووتى باش و خراپ لە یەکترى جیادەکاتەوە و دەڵێت، چیتر بە شەرتى چەقۆ شووتى مەکڕن و بیناسنەوە.

مەریوان ئیبراهیم، جوتیارێکی دەشتی پێنجوێنە و ماوەى زیاتر لە 15 لەگەڵ شووتى خۆماڵى بەرهەم دەهێنێت، ئەو لە بارەى ناسینەوەى شووتى باش و خراپ قسەى بۆ 964 کردووە و دەڵێت، بە دەستلێدان لە شووتى دەتوانى بیناسیتەوە.

“هەر شووتییەک لە کاتى دەستلێدان دەنگێکى تێرى لێوەهات و رەنگى شووتییەکە سەوز و خەتەکانى بە سپى بوون، ئەوە نیشانەى ئەوەیە شووتییەکى زبر و شیرین و سوورە، بە پێچەوانەوە ئەگەر شووتییەکە لایەکى زەرد بوو و لەکاتى دەستلێدان تەپەى لێوە هات و نەزرینگایەوە ئەوە نیشانەى ئەوەیە شووتییەکى خراپە”، ئەو جوتیارە واى بە 964 وت.

پێداچوونەوە: وریا فەتاح