لیژنەی کۆنتڕۆڵ کردنی تەندروستی کەرکوک لە کاتی لەناو بردنی شیرەکە وینە: تەندروستی کەرکوک
لەلایەن تیمی کۆنتڕۆڵی تەندروستی کەرکوکەوە
21 تۆن شیر کە خراپ هەڵگیرابوون لەناوبران
964+
ژێوار خدر
لە کەرکوک 21 تۆن شیر لەلایەن لیژنەکانی تەندروستیەوە لەناوبرا بەهۆی خراپی عەمبار کردنییەوە.
ئەمڕۆ سێشەممە، بەڕێوەبەرایەتی تەندروستی کەرکوک رایگەیاند، لە ئەنجامی بەدواداچوونە بەردەوامەکانی تیمە تەندروستییەکانەوە، بەهۆی خراپی عەمبارکردن لە یەکێک لە کۆگاکانی شاری کەرکوک دەستیان بەسەر 21 تۆن شیردا گرتووە.
بەپێی راگەیاندراوەکەی تەندروستی کەرکوک، لە ناوچەی زبڵخانەی تەندروستی کەرکوک شیرەکەیان لەناو بردووە.
لەو وێنانەی کە تەندروستی کەرکوک بڵاویکردووەتەوە ئەوە دەرکەتووە کە بە بارهەڵگرێک دەیان کارتۆنی شیر بەتاڵ دەکەن و بە شۆفڵێکیش تێکیان دەشکێنن و تەلەفیان دەکەن.
