وێنهیهكی دهرمانهكه... وێنه: KMCA
بە سێ ژمارەی جیاواز بڵاوبووەتەوە
كۆمپانیا و كۆگاكان ئاگادار دهكرێنهوه مامهڵه بهم دهرمانه ساخهتهیه نهكهن
964+
فهرهاد حهسهن
دامهزراوهى كۆنتڕۆڵكردنى جۆریی دهرمان KMCA كۆمپانیا و كۆگاكان ئاگادار دهكاتهوه كه بههیچ شێوهیهك مامهڵه بهم دهرمانه ساخهتهیه نهكهن كه ناوى Duphaston ـه و ههواكت هاوڵاتیان ئاگادار دهكرێنهوه خۆیان بهدوور بگرن له كڕینى دهرمانهكه.
Duphaston دهرمانێكه وهك چارهسهرێكی جێگرهوه بۆ هۆڕمۆناتى جهسته بهكاردههێندرێت و كار بۆ هاوسهنگكردنى هۆڕمۆنات دهكات.
دامهزراوهگه دهڵێت، توانیویانه لە بازاڕی دەرمانی چەند ناوچەیەک له سەرجەم شار و شارۆچکەکانی کوردستان، دەستی بەسەر ئهم دەرمانه ساختەدا بگرن.
ئهوهى دهستیان بهسهرداگرتووه لهبارهى ئهم دهرمانهوه به سێ ژمارهى جیاواز له بازاڕهكاندا دهفرۆشران ئهوانیش ژمارەكانى 364935، 361984 و 368563 بووه.
هۆكارى دهست بهسهرداگرتنهكه ئهوهیه كه هیچ یهكێك له ژمارهكانى ئهم دهرمانه ستیكهریان بهسهرهوه نییه و ساختهن.
داوا لە هەموو شوێنە دەرمانسازییەکان (کۆمپانیای دەرمان، کۆگاکان و دەرمانخانەکان) دەکات لە سەرجەم ناوچەکانی هەرێمی کوردستان کە خۆیان بەدووربگرن لە فرۆشتنی دەرمانی بێ ستیکەر، بەپێچەوانەوە بەتوندی سزادەدرێن.
داواش لە هاوڵاتییان دەکات هاوکاری تیمەکانی چاودێریی دەرمان بکەن، لە ئەگەری بینینی هەر سەرپێچییەک و دەرمانێکی بێ ستیکەر بهم ژمارهیه پەیوەندیان پێوه بکەن: 07502356000.
