لە ناوبردنی سی و جگەر لە کوشتارگەی شارەزوور _ وێنە: کوشتارگەی شارەزوور
شیاوی خواردن نەبوون
کوشتارگەکەی شارەزوور هەزار و 284 سی و جگەری لەناوبردووە
964+
ئەحمەد مستەفا
کوشتارگەی قەزای شارەزوور لە شەش مانگی سەرەتای ئەمساڵدا، هەزار و 284 سی و جگەری بەهۆی ناتەندروست بوون و شیاو نەبوونی بۆ خواردن لەناوبردووە.
هەر لەو ماوەیەدا کوشتارگەکە، 10 ئاژەڵی رەتکردووەتەوە کە گۆشتەکەی شیاوی خواردن نەبووە.
ئەمڕۆ چوارشەممە 7.8.2024، کوشتارگەی شارەزوور لە بڵاوکراوەیەکدا کە وێنەیەکی بۆ 964 نێردراوە و دەڵێت، ” لە 1.1.2024 بۆ 31.6.2024، لە ماوەی شەش مانگدا، سێ هەزار و 191 سەر مەڕ، دوو هەزار و 556 سەر برزن لە ئاژەڵی بچووک سەر بڕدراون”.
بۆ ئاژەڵی گەورە، هەزار و 803 کوشتار کراوە، کوشتارگە دەڵێت لەو ژمارە ئاژەڵی سەربڕدراون، “جگەری 356 ئاژەڵ و سی 928 سەر ئاژەڵ لەناو براون کە گوومانی نەخۆشیان لێ کراوە”.
