یانە ئێرانییەکان وریا غەفوری بەخۆیانەوە ناگرن

+964

هێرۆ مەولودی

یاریزانە کوردەکەی ئێران لە یانەی فولادی خوزستانیش دوورخرایەوە، لەسەر هەمان بۆچوونی لەبارەی خۆپیشاندانەکانی ئێران.

ماڵپەڕی بی بی سی نوسیویەتی، وریا غەفوری، یاریزانە کوردەکەی رۆژهەڵاتی کوردستان و کاپتنی پێشتری یانەی ئیستقلال، پێشتریش لە ریزی یانەی ئیستقلالی ئێران دوورخرایەوە بەهۆی پشتیگیری و هەڵوێستەکانی لەبارەی خۆپیشاندانەکانی ئێران.

بڕیاری دوورخستنەوەی ئەم یاریزانە کوردە، بە هۆی فشار و پێداگری هێزەکانی حکومەتی ئێرانە لەسەر یانەی فولاد.

وریا غەفوری یاریزانی کورد ، پێشتریش بە هۆی هەڵوێستەکانی  دەربارەی بارودۆخی کۆمەڵایەتی و ئابوری ئێران لە کاپتنی یانەی ئیستقلال دوورخرایەوە و چووە یانەی فولادی خوزستان.

وەک یاریزانەکانی هاورێی باسیان کردوە وریا غەفوری لە دوڕیانی بەرژەوەندی خۆی و بوون بە دەنگی خەڵکدا، چووە ناو یانەی دڵی هەوادارنی و جارێکی تر دەنگی خستەپاڵ دەنگی خەڵكی وڵاتەکەی.

وریا غەفوری، خەڵکی سنەی رۆژهەڵاتی کوردستانە، بەهۆی لێداون و پۆستەکانی دەبارەی کوشتنی هاوڵاتیانی رۆژهەڵاتی کوردستان و پشتگیری خۆپیشاندانەکانی دوای کوژرانی ژینا  ئەمینی، دەستگیر و زیندانی کرا.