وێنەی گۆشتفرۆشە داخراوەکە. وێنە: قایمقامیەتی سلێمانی.
گۆشتی بەستووی بەنرخی فریش دەفرۆشت
لە سلێمانی گۆشتفرۆشێک داخرا
964+
میدیا گۆران
گۆشتفرۆشێک لە سلێمانی لەلایەن قایمقامیەتەوە داخرا، مۆڵەتی کارکردنی نەبووە و گۆشتی بەستووی بە نرخی فرێش دەفرۆشت.
ئەمڕۆ سێشەممە، قایمقامیەتی سلێمانی بڵاویکردەوە، لە هەواری شار گۆشتفرۆشێکیان داخست کە گۆشتی بەستووی بەنرخی فرێش دەفرۆشت و دەستیان گرت بەسەر 24 کلیۆ و 500 گرام گۆشتی بەستوو کە لەلایەن گۆشتفرۆشێکەوە خاوکرابوویەوە و نیازیان هەبوو بە نرخی گۆشتی فرێش بەسەر هاوڵاتیان ساغی بکەنەوە.
ئەوەشیان راگەیاند، ئەم گۆشتفرۆشە مۆڵەتی کارکردنیشی نەبوو، هیچکام لە مەرجەکانی تەندروستیشی جیبەجێ نەکردبوو، بۆ ئەم مەبەستە گۆشتفرۆشەکە رووبەرووی رێکاری یاسایی دەبێتەوە.