بەڕێوەبەرایەتیی كارەبا رۆژانی شەممەش پارە وەردەگرن

964+
ئەرسەلان عەبدوڵا

بەڕێوەبەرایەتیی دابەشكردنی كارەبای هەولێر، رایگەیاند رۆژانی شەممەش كە پشووی فەرمییە، ئەوان لە فەرمانگەكەیان دەبن بۆ وەرگرتنی پارەی هاوبەشانی كارەبا و قەرزی هاوڵاتیان.

بەڕێوەبەرایەتییەكە ئەمڕۆ شەممە 27.7.2024 هاوڵاتیانی ئاگادار كردەوە رۆژانی شەممەش سەرەڕای ئەوەی كە پشووە، فەرمانگەكەیان كراوە دەبێت و رۆژانی دواتریش پارە وەرگرتن تا سەعات چوار و نیوی ئێوارە بەردەوام دەبێت.

بەڕێوەبەرایەتیی دابەشكردنی كارەبای هەولێر دەڵێت، ئەم بڕیارەیان بۆ ئەوەداوە زۆرترین خەڵك لە بڕیاری لێخۆشبوونی 20%ـی قەرزی كرێی كارەبا سوودمەند بن.

بە گوێرەی راگەیاندراوی بەڕێوەبەرایەتییەكە، كە پێشتر رایگەیاندبوو، رۆژی 31ی ئەم مانگە ئۆفەری 20%ی داشكانی قەرزی كارەبا كۆتایی دێت.

لێخۆشبوونه‌كه‌ى حكومه‌ت قه‌رزى بچووكیشی گرته‌وه‌