لە سلێمانى
شەقامى بەردەم بیناى پارێزگا تووشى ئاستەنگى هاتوچۆ بووە
964+
دیلان محەمەد- سلیمانى
بەهۆى کارکردن لە شەقامى سەرەکیى بەردەم بیناى پارێزگاى سلێمانى، ئێستا قەرەباڵغییەکى زۆر دروست بووە و شۆفێران تووشى ئاستەنگى هاتوچۆ بوون.
بەپێى ئەو دیمەنانەى 964 تۆمارى کردووە، ئۆتۆمبێلەکان لە بەردەم دادگاى سلیمانییەوە تا بەردەم بیناى پارێزگا تووشى ئاستەنگى هاتوچۆ بوون و بە قورسى دەردەچن.
ئەو شەقامەى کارى تێدا دەکرێت، سایدى دەرچوونە لە سلێمانى بۆ تاسلوجە و ئێستا تیمەکانى شارەوانى و هاتوچۆ لە شوێنەکەن و دەیانەوێت بە زوویى چارەسەرى بکەن.
بەشێکى سایدەکە لە کاتژمێر 9:00ـى بەیانى ئەمڕۆوە گیراوە و تائێستا نازانرێت کەى دەکرێتەوە.
بەپێى ئاگادارییەکى بەڕێوەبەرایەتیى هاتوچۆى سلێمانى، شۆفێران دەتوانن رێگاى قلیاسان بە ئاراستەى باخى بەختیارى و قولەرەیسى بەکاربهێنن.
پێداچوونەوە: وریا فەتاح
