“ دایک و کچێک گیانیان لەدەستداوە“
وردەکاری رووداوەکەی شەوی رابردووی هەولێر چۆن بووە؟
+964
شۆڕش هەرکی – هەولێر
لە هەولێر دایك و كچێك لە باڵەخانەیەكی نیشتەجێبوون كەوتوونەتە خوارەوە و گیانیان لە دەستداوە، زانیاریی دژبەیەكیش لەمبارەیەوە هەیە.
رووداوەكە شەوی رابردوو 22 لەسەر 23.7.2024 لە پرۆژەی نیشتەجێبوونی ئەتلانتیک لەسەر رێگای هەولێر – کۆیە روویداوە، ژنێك و کچەكەی لە باڵەخانەیەک کەوتونەتە خوارەوە، كە بە رەگەز عەرەبن.
964 قسەی لەگەڵ هێڵی گەرمی 122ی فریاكەوتن کرد، ئەوان دەڵێن، “کاتژمێر 10:57ی شەو ئێمە ئاگادارکراوینەتەوە و چووینە شوێنی مەبەست و رووداوەکە خۆکۆژییە”.
بەڵام موقەدەم ئەردەلان، وتەبێژی ئاسایشی هەولێر بە 964ی وت، “رووداوەکە خۆکۆژی نییە، بەڵکو کەوتوونەتە خوارەوە”.
هاوكات ئەمڕۆ سێشەممە 23.7.2024 سەرچاوەیەک لە پزیشکی دادی هەولێر بە 964ی وت، “تەرمی دایك و کچێک، كە كچەكە تەمەنی لە ساڵێك کەمترە لێرەن، بەڵام تا ئێستا هیچ کەسێک لە کەسوکاریان بەدوایاندا نەهاتوون”.
پێداچوونەوە: ئەرسەلان عەبدوڵا