کاروانی یەکەمی پەتاتەی هەولێر رەوانەی ئیماڕات کرا

964+

شۆڕش هەرکی – هەولێر

كاروانى یه‌كه‌مى په‌تاته‌ى هه‌ولێر ره‌وانه‌ى وڵاتى ئیماڕات كرا، خاوه‌نى ئه‌و كۆمپانیایه‌ش كه‌ په‌تاته‌كه‌ ده‌نێرێت ده‌ڵێت، به‌پێی گرێبه‌ستێك پێنج هه‌زار تۆن ره‌وانه‌ ده‌كه‌ین.

ئەمڕۆ دووشەممە 22.7.2024 لە ژووری بازرگانی و پیشەسازی هەولێر گرێبەسته‌كه‌ لە نێوان کۆمپانیای ئاوڕا و نوجوم سوڵتانی ئیماڕاتی لەسەر هەناردەکردنی پەتاتەی هەولێر واژۆکرا.

سابیر عەزیز، خاوەنی کۆمپانیای ئاوڕا بە 964ـی وت، ئەمڕۆ 100 تۆن په‌تاته‌یان هەناردە كردووه‌، پێویستیشه‌ لە ماوەی 20 رۆژى دیكه‌ تەواوی پێنج هه‌زار تۆنه‌كه‌ بنێردرێت.

وتیشی “پەتاتەکان كه‌ دەگەنە وڵاتی ئیماڕات، له‌وێشه‌وه‌ وڵاتانى دیكه‌ى كه‌نداو سوودى لێده‌بینن”.

به‌قسه‌ى خاوه‌نى ئه‌م كۆمپانیایه‌، ساڵی رابردوو 13 هەزار و 300 تۆن پەتاتە و پیازیان رەوانەى ئیماڕات كردووه‌ و باس له‌ گرێبه‌ستێكیش ده‌كات له‌ نێوان خۆیان و جوتیارانى سنوورى هه‌ولێردا، كه‌ ساڵانه‌ په‌تاته‌ و به‌رهه‌مى دیكه‌ به‌رهه‌م ده‌هێنن.

پێداچوونه‌وه‌: فه‌رهاد حه‌سه‌ن