زۆرینەیان لە ژیاندا نەماون
بە 330 وێنە پێشەنگایەک بۆ کەسایەتییەکانى هەولێر کرایەوە
964+
ئەحمەد شەمزین – هەولێر
بەڕێوەبەرایەتى و رۆشنبیرى هونەرى تورکمان لە هەولێر، لە رێگەى 330 وێنەوە پێشەنگایەکى وێنەیى بۆ 330 کەسایەتى هەولێر کردەوە کە بەشێکى زۆریان لە ژیاندا نەماون.
پێشەنگاکە ئەمڕۆ یەکشەممە 21.7.2024، بەرێوە چوو، کەسایەتى و هونەرمەند و شاعیرانى تورکمان و کەسایەتییە کۆنەکان و گەنجان بەشداریان تێدا کرد.
حاجی دلاوەر بازرگان کە رێکخەرى پێشەنگاکەیە و وێنەکانى کۆکردووەتەوە، بە 964ـى وت، ماوەی 19ساڵە خەریكی كۆكردنەوەی وێنەی كەسایەتییەكانی هەولێرم، وێنەى واى تێدایە هى شاعیرانى 100 ساڵى لەمەوبەرە.
زۆرینەى زۆرى وێنەى کەسایەتییەکانى ناو پێشەنگاکە نوسەر و شاعیر و هونەرمەندى تورکمانن.
مەتین عەبدوڵاى شاعیر کە لە کەرکوکەوە هاتبوو بۆ بینینى پێشەنگاکە، بۆ 964 وتى،”جوانترین شت لەم پێشانگایە ئەوەبوو مردووەكان و زیندووەكان وێنەیان هەبوو لەم پێشانگایە، هەولێریش هەمیشە جوانبووە بەم پێکەوەژیانە”.
پێداچوونەوە: وریا فەتاح
