وێنە و گرافیکی بەنزینخانەیەک. 964
لە سنووری کۆیە
سێ بەنزینخانە سزادران
+964
ژێوار خدر
لە قەزای کۆیە سێ بەنزینخانە سزادران بەهۆی خراپی کوالێتی بەنزینەکەیانەوە.
ئەمڕۆ پێنجشەممە 18.7.2024 قایمقامیەتی قەزای کۆیە رایگەیاند، لە سنووری قەزای کۆیە سێ بەنزینخانەیان سزاداوە، بەهۆی ئەوەی لەدوای ناردنی نموونەی بەنزینەکە بۆ تاقیگەی ناوەندی شاری کۆیە، دەرکەوتووە کە کوالێتی بەنزینەکەیان باش نییە و خراپە.
قایمقامیەتی قەزاکە ناو و بڕی سزای بەنزینخانەکانی بڵاوکردووەتەوە، تیایدا هاتووە کە، بەنزینخانەی دەربەندی لە ناحیەی تەق تەق، بەبڕی یەک ملیۆن و 700 هەزار دینار و دوو ڕۆژ داخستن، بەنزینخانەی برایان لە بانوی تاڵەبان، بەبڕی 700 هەزار دینار و دوو رۆژ داخستن و بەنزینخانەی نوێنەر لە تەق تەق بەبڕی یەک ملیۆن و 800 هەزار دینارو داخستنی بۆ ماوەی دوو رۆژ داخستن سزادراون.
