کارەکانى پڕۆژەی دروستکردنى بازاڕى سپى بەردەوامە

+964

ژێوار خدر

ئەمڕۆ هەینی پارێزگای هەولێر بڵاویکردەوە، کارکردن لە پڕۆژەی بازاڕی سپی بەردەوامە و کارەکانی پڕۆژەکە لە قۆناغی کۆتاییدایە.

لە 26.4.2022 دەستکرا بە درووستکردنی بازاری سپی کە شوێنگرەوەی بازاڕی سیمە ، دەکەوێتە سەر شەقامی 120 مەترى لە شاری هەولێر، لەسەر رووبەری 60 هەزار مەتر دووجا بە نەخشە و دیزاینێکی هاوچەرخ دروست دەکرێت، گوژمه‌ى تەرخانکراو بۆی 14 ملیار و 412 ملیۆن و 731 هەزار و 544 دینارە.

بازاڕەکە، لە نزیکەی 700 دوکان، چێشتخانە، پارك، پاركی وەستاندنی ئۆتۆمبێل و چایخانە پێکهاتووە.

بازاڕی سیم بەرەبەیانی رۆژی 24.7.2020 لە گەڕەكی كوردستانی شاری هەولێر، بەهۆی ئاگركەوتنەوە سووتا و زیاتر لە 200 دوكان زەرەرمەند بوون.