دیمهنێكى ماسته كهڕوو لێكهوتووهكه كه لیژنهكانى قایمقامییهتى سهیدسادق بڵاویكردبووهوه.
"سومعهى خۆمان پاراستووه"
هاوڵاتیانى گوندى كانى پانكه روونكردنهوه لهبارهى ماسته كهڕوولێكهوتووهكه بڵاوكردهوه
964+
فهرهاد حهسهن
هاوڵاتیانى گوندى كانى پانكهى سهر به قهزاى سهیدسادق روونكردنهوەیان له بارهى ماسته كهڕوولێكهوتووهكه بڵاوكردهوه كه دوو رۆژ لهمهوبهر لهلایهن لیژنهكانى قایمقامییهتهوه لهو گونده دهستى بهسهرداگیرا و دهڵێت، تا ئێستا شتى وا له گونده رووینهداوه، هاوڵاتییهكیش دهڵێت “ئهم كاره بۆ گوندهكهمان زۆر خراپ بوو”.
رۆژى پێنجشهممه 27.6.2024 لیژنە هاوبەشەكانی قایمقامیەتی قەزای سەیدسادق و بە هاوكاری بنكەی پۆلیس له گوندى كانى پانكه تۆمەتبارێكیان دەستگیركرد كه كارگەیەکی دروستكردنی ماسـتى لەو گونـده دانابوو، لهناو كارگهكهى دهستیان بهسهر سێ ههزار و 500 سهتڵ ماستى كهڕوولهسهركهوتوو و سێ تۆن شیر و 300 كیلۆگرام بهرههمى شیرهمهنی داگرت.
ئهمڕۆ شهممه 29.6.2024 هاوڵاتیانى ئهم گونده روونیكردنهوهیهكیان لهبارهى بوونى ئهم ماسته خراپبووه له گوندهكهیان بڵاوكردهوه و خۆیان لهو جۆره كارانه بێبهری دهكهن.
له روونكردنهوهكهدا، كه بهڕێوهبهرایهتیى سامانی ئاژەڵی سلێمانی بڵاویكردووهتهوه و بهناوى کاسبکارانی گوندەوە بۆ رای گشتی نووسراوه، دهڵێن “ئێمە وەك كاسبكارانى كانى پانكە چەندین ساڵە کەسابەت دەکەین و ماستی خۆماڵی دەفرۆشین، ئەم کارگەی ماستە کەسێکی بێگانە بە گوندەکەمان دایناوە و هیچ رەبتێکی بە خەڵکی گوندەکەمانەوە نییە”.
باس لهوهش دهكهن، تائیستا هیچ شتێکی بەم جۆرە لە گوندەکەمان رووینەداوە و هیچ کاتێکیش دوکاندارەکانیان ماستیان لهو كارگهیه وهرنهگرتووه، چونكه دهڵێن “سومعەی دوکانداران و خەڵکی گوندەکەمان پاراستووه”.
ههرێم ئهحمهد عهبدوڵا، هاوڵاتییهكى ئهم گوندهیه، به 964 وت، روونكردنهوهكهیان بۆ ئهوهیه خهڵكی دهرهوهى گوندهكه لێكدانهوهى خراپ بۆ خهڵكهكهیان و ماستهكهیان نهكهن.
وتیشی “ساڵانێکە له گوندهكهمان ماستی بێ خهوش و تهندروست دهفرۆشرێت و ناوبانگى زۆرى پهیدا كردووه، بۆیه دهستگیران بهسهر ئهو بڕه زۆرهى ماسته كهڕوولێكهوتووه بۆ گوندهكهمان شتێكى زۆر خراپ بووه”.
ئهم هاوڵاتییه داواكاره كارگهكه له گوندهكهیان نهمێنێت .
به قسهى ئهم هاوڵاتییه بهشێكی خهڵكى گوندهكهیان بهكارى ئاژهڵدارییهوه خهریكن و ماست و بهرههمى شیرهمهنى دهخهنه بازاڕهوه.
