دامەزرێنەری ویکی-لیکس دەگەڕێتەوە بۆ ئوسترالیا

964+

پەروەر خۆشناو

جوولیان ئاسانژ دامەزرێنەری پێگەی “ویکی لیکس” کە سەدان هەزار بەڵگەنامەی نهێنی حکومەتى ئەمەریکاى بڵاوکردوە، ئەمڕۆ سێشەممە لە زیندانی بەریتانیا ئازادکرا و بەرەو زێدی خۆی بۆ ئوستڕالیان بەڕێکەوت.

پێگەی ویکی-لیکس لە تۆڕی کۆمەڵایەتیی ئێکس، وێنەیەکی ئاسانژـی لەناو فڕۆکە بڵاوکردووەتەوە و نووسیوویەتی،” نزیک دەبینەوە لە فڕۆکەخانەی بانکۆک بۆ پشوویەک” و ” ئازادی نزیکە”.

وابڕیارە ئاسانژ دوای بانکۆک بەرەو ئوستڕالیا بەڕێبکەوێت.

بەپێى ئاژانسى هەواڵى رۆیتەرز، سبەی چوارشەممە  دامەزرێنەری ویکی-لیکس بچێتە دوورگەی “ماریانـی باکوور” لە ئوسترالیا و لەوێ دان بەوەدا دەنێت کە “یاسای دژە هەواڵگری ئەمریکا”ـی پێشێل کردووە و تاوانبارە.

ویکی-لیکس لە 4.10.2006 لە لایەن جوولیان ئاسانژـەوە دامەزرا و هەزارن بەڵگەنامەی نهێنی ئەمریکای ئاشکرا و بڵاوکردەوە.