ژنێک لەلایەن مێردەکەیەوە کوژرا

964+

توانا نەقی

ژنێکی خەڵکی پیرانشاری رۆژهەڵاتی کوردستان لەلایەن مێردەکەیەوە ئاگری تێبەردرابوو پێش چوار رۆژ و ئەمڕۆ گیانی لەدەستدا.

ئەمڕۆ یەکشەممە، رێکخراوی مافی مرۆڤی هەنگاو بڵاویکردەوە، ئەو ژنە خەڵکی گوندی “خورینج”ـی سەربە شاری پیرانشارە و لەلایەن مێردەکەوەیە سوتێنراوە و رێژەی سووتانەکەی 90% بووە.

دەشڵێت، ئەو ژنە خاوەنی دوو منداڵە و لەلایەن مێردەکەیەوە بەنزینی پێدا کراوە و سوتاندویەتی، ئەمڕۆ لە یەکێک لە نەخۆشخانەکانی ئورمیە گیانی لەدەستداوە.

ئەو رێکخراوە ئاماژەی بەوەشکردووە، تاوانبار دوای کوشتنی هاوژینەکەی، تەرمە سووتاوەکەی لە بەردەمی ماڵی دایک و باوکی ژنەکە بەجێ هێشتووە خۆی هەڵاتوە.