تەقەکەرەکەی دهۆک تا ئێستا دەستگیر نەکراوە

964+
زەید کۆچەر-دهۆک

لە رووداوی تەقەکردنەکەی دهۆک کە چوار کەس بەهۆیەوە بریندار بوون تا ئێستا کەس دەستگیر نەکراوە و پۆلیس بەدوای تەقەکەرەکاندا دەگەڕێن.

رووداوەکە لە نزیک هۆتێل سۆلاڤ لەناو بازاڕی دهۆک روویداوە و گەنجێک بە کڵاشینکۆف تەەقەی کردووە و دوو پۆلیس و منداڵێک و گەنجێکی تەمەن 19 ساڵی بریندار کردووە.

تا ئێستاش پۆلیس لە شوێنی رووداوەکەن و گەڕانێش بە دوای تەقەکەرەکەدا بەردەوامە و دەستگیر نەکراوە.

د.سەگڤان دۆسکی، بەڕێوەبەری نەخۆشخانەی ئازادی لە دهۆک بە 964ـی وت، ئەو چوار بریندارەی گەیەندراونەتە نەخۆشخانەکەیان دۆخی پۆلیسێکیان ناجێگیرە و سێ کەسەکەی دیکە تەندروستیان باشە.

وتیشی، ئێستا نەشتەرگەری بۆ قاچی پۆلیسەکە دەکرێت و دەبێت لەژێر چاودێری چڕی پزیشکدا بێت.

964 زۆر هەوڵیدا لەگەڵ پۆلیسی دهۆک لەسەر رووداوەکە قسە بکات بەڵام وەڵامی پەیوەندییان نەدایەوە.

پێداچوونەوە: توانا نەقی

لە دهۆک تەقەی هەڕەمەکی کراوە و دوو پۆلیس و دوو هاوڵاتی بریندارن