"فریای شارباژێڕ کەون"
ئاگر لە شارباژێڕ کەوتووەتەوە و 1000 دۆنم زەوی سووتاوە
964+
دیلان محەمەد – سلێمانی
لە بەیانی ئەمڕۆ شەممەوە، ئاگر لە ناوچەی شارباژێڕ کەوتووەتەوە و بەڕێوەبەری ناحیەی گاپیڵۆن دەڵێت، ئاگاداری هاوڵاتیان دەکەین بە فریای ئەو ناوچەیەوە بکەون.
محەمەد عەبدولڕەحمان بەڕێوەبەری ناحیەی گاپیڵۆن بە 964ـی وت، ئاگرێک بەهۆکارێکی نەزانراو لە گوندی بایزئاواوە کەوتووەتەوە و تا دێت تەشەنە دەسێنێت و نزیکەی هەزار دۆنم زەوی سووتاوە.
باسی لەوەکرد، ئاگرەکە ئێستا رۆیشتووە بەرەو گوندی باڵخ و تا دێت تەشەنە دەسێنێت، داوا لە هاوڵاتیان دەکەن بچن هاوکاریان بکەن بۆ کوژاندنەوەی ئاگرەکە.
ئەوەی خستەڕوو، بەهۆی ئاگرەکەوە تەقەمەنی تەقیوە و مەترسی تەقینی تەقەمەنی دیکەش دەکەن، بەهۆی بوونی مین و تەقەمەنی لەو ناوچەیە.
پێداچوونەوە: توانا نەقی