لەنێوان زاخۆو موسڵ ئەو کارەیان کردووە
سێ حەبفرۆش بە 90 کیلۆ حەبی هۆشبەرەوە دەستگیرکران
964+
ژووری هەواڵ
سێ تۆمەتبار لە زاخۆ گیراون کە 90 کیلۆگرامی حەبی هۆشبەری ترامادۆلیان پێ بووە، ئاسایشی خۆمان و هی موسڵ چاویان لەسەریان بووە تا لە قافا گرتویانن.
بەڕێوەبەرایەتی نەهێشتنی مادە هۆشبەرەکان رایگەیاند ئەم سێ کەسەو حەبەکان رۆژی 24.05.2024 دەستگیر کراون، (10 رۆژ پێش ئێستا)، بەڵام تازە ئاشکرا دەکرێن.
”تیمێکی بەدواداچوونی بەڕێوەبەرایەتیەکەمان دوای ئاڵوگۆڕی زانیاری لەگەڵ بەڕێوەبەرایەتی ماددە هۆشبەرەکانی موصل، لەچالاکیەکدا توانییان سێ تۆمەتبار دەستگیربکەن کە کاری گواستنەوەو بازرگانییان بە حەبی هۆشبەرەوە دەکرد”، لە دەقی راگەیەندراوەکەدا ئاوها نوسراوە.
ئێستا هەرسێ حەبفرۆشەکە ”بەپێی یاسای بەرەنگاربوونەوەی ماددەهۆشبەرەکان و کارتێکەرە ئەقڵیەکان راگیراون”.