یەکێک لەو رێگایانەی لە سنووری شەقاڵاوە بڕیاری نۆژەنکردنەوەی دراوە.وێنە964
گوژمەکەی 5 ملیار دینارە
هەردوو رێگای مامە جەلکە – شەقڵاوە لەگەڵ هیران نۆژەن دەکرێتەوە
964+
توانا نەقی
بە بڕیاری ئەنجومەنی وەزیران بە زوترین کات دەست دەکرێت بە نۆژەنکردنەوەی رێگاکانی مامە جەلکە – شەقلاوە لەگەڵ هیران و گوژمەکەشی بۆ دیاری کراوە.
ئەمڕۆ سێشەممە، پارێزگای هەولێر بڵاویکردەوە، مژدە دەدەن بە هاوڵاتیانی ئەو ناوچانە و لەم رۆژانەدا بەبێ ئەوەی رۆژەکە دیاری بکرێت دەست دەکرێت بە چاککردن و نۆژەنکردنەوەی رێگاکان.
وتیشی، گوژمەی پرۆژەکە و نۆژەنکردنەوەی ئەو رێگایانە پێکهاتووە لە 5 ملیار دینار.
لە سەرەتای ئەم مانگەدا گردبوونەوەی بارهەڵگرەکان و رێگەنەدانیان بە هاتوچۆ بە تونێلی پیرمام و رێگای مامەجەلکە و رێگای هیران، چەندین جار ئاستەنگی هاتوچۆی دروست کرد بوو.
گوندی مامەجەلکە لە سنووری قەزای شەقلاوەیە تاکە رێگایە کە بارهەڵگرەکان بەکاریان دەهێنا، رێگای بازرگانی پارێزێگای هەولێر و دهۆک بوو لەگەڵ پارێزگای سلێمانی و ئیدارەی راپەڕین.
