دیمەنی دوای لابردنی مێزەکانی بازاڕی شێخەڵا.وێنە.سەرۆکایەتی شارەوانی هەولێر
لەلایەن شارەوانیەوە
بەم درەنگانی شەوە مێزەکانی بازاڕی شێخەڵا لابران
964+
توانا نەقی
بەم درەنگانی شەوە ئەو دوکاندارانەی بازاڕی شێخەڵا کە پێشتر ئاگادار کرابوونەوە لەوەی مێزەکانیان لەشەودا هەڵگرن ئەمشەو شارەوانی خۆی چوو بۆی هەڵگرتن و لای بردن.
ئەمشەو دووشەممە، سەرۆکایەتی شارەوانی هەولێر بڵاویکردەوە، هەموو ئەو دوکاندارانەی بازاڕی شێخەڵا کە پابەند نەبوون بە هەڵگرتنی مێزەکانیان و جێهێشتنیان لەشەودا هەروەها دانانی کەل و پەلەکانیان لەسەر موڵکی گشتی و دروستبوونی ئاستەنگی هاتوچۆ، ئەمشەو تەواوی زێدەڕۆییەکان لادران.
ئاماژەی بەوەشکرد، هەڵمەتەکە لەلایەن تیمەکانیان لە بەڕێوەبەرایەتی شارەوانی یەک بە هاوبەشی لەگەڵ پۆلیسی شارەوانی ئەنجامدراوە.
پێشتر شارەوانی ئەو دوکاندار و خاوەن مێزانەی بازاڕی شێخەڵای ئاگادار کردبووەوە وەک رێکاریک بۆ خۆپارێزی لە ئاگرکەوتنەوە و رێگری کردن لێی، دەبێت بەشەو زیادەڕۆیی نەکەن و مێزەکانیان هەڵبگرن.
