بەشێک لە دارە بڕاوەکان. فۆتۆ: پۆلیسی دارستان و ژینگەی سلێمانی
دەستگیر کراوە
لە سەنگاو کەسێک نزیکەی 100 داری سروشتی بڕیوەتەوە
964+
ژووری هەواڵ
لە سنوری ناحیەی سەنگاو، هاوڵاتییەک نزیکەی 100 داری سروشتی گوندێکی بڕیوەتەوە، دانیشتووانی گوندەکە پۆلیسیان لێئاگادار کردووەتەوە و ئاشکرابووە.
ئەمڕۆ یەکشەممە 26.5.2024، هێمن کەمەرخان، وتەبێژی پۆلیسی دارستانی و ژینگەی سلێمانی بە 964ـی راگەیاند، هاوڵاتییەک لە گوندی فەقێ مستەفا لە سەنگاو 97 داری بڕیوەتەوە و لەسەر ئەوە دەستگیر کراوە و دەستیشگیراوە بەسەر هەموو دارەکاندا.
لە شوێنی بڕینەوەی دارەکان دەستگیراوە بەسەر دوو مشاری دار بڕینەوە.
هەر کەسێک داری تەڕ و سەوز ببڕێتەوە بە 500 هەزار دینار سزا دەدرێت و ئهگهر ئهو سزا داراییەش نەدات، بە سێ مانگ بەندکردن سزا دەدرێت.
